माघ १५ गतेसम्म विद्यालय बन्द गर्ने सीसीएमसीको निर्णय

सामाजिक सुरक्षा कोषमा सूचीकृत हुन आनाकानी गर्ने प्रवृति अस्वीकार्य : श्रममन्त्री किसान

काठमाडौं। श्रम, रोजगार तथा सामाजिक सुरक्षामन्त्री कृष्णकुमार श्रेष्ठले सबै प्रतिष्ठान र श्रमिकहरूलाई सामाजिक सुरक्षा कोषमा सूचीकृत हुन आग्रह गरेका छन् । संयुक्त ट्रेड युनियन समन्वय केन्द्रको पाँचौं श्रम संसदलाई काठमाडौंमा सम्बोधन गर्दै मन्त्री श्रेष्ठले सरकारले सामाजिक सुरक्षाको छाताभित्र अनौपचारिक क्षेत्र तथा वैदेशिक रोजगारीमा रहेका श्रमिकहरूलाई समेट्ने योजना अघि बढाएको बताए । ‘अब सबै प्रतिष्ठान र श्रमिकहरू सामाजिक सुरक्षा कोषमा सूचीकृत हुन आवश्यक छ’ मन्त्री श्रेष्ठले भने, ‘यसमा सबै श्रमिक र रोजगारदाताहरूको सहयोग र अग्रसरताको अपेक्षा सरकारले गरेको छ ।’ अहिले श्रम कानून कार्यान्वयन गर्दा आफूलाई फाइदा हुने विषयमा लाभ लिइहाल्ने तर पूरा गर्नुपर्ने दायित्वबाट पन्छिने प्रवृति पनि देखिन थालेको मन्त्री श्रेष्ठले बताए । श्रम ऐनको लचकताबाट लाभ लिने अर्थात रोजगारीबाट हटाउने विषय लागू गर्ने तर, सामाजिक सुरक्षा कोषमा सूचीकृत हुने विषयमा आनाकानी गर्ने प्रवृति अस्वीकार्य रहेको उनको भनाइ छ । मन्त्री श्रेष्ठले सरकारले आन्तरिक रोजगारी सिर्जना गर्ने र बाध्यकारी वैदेशिक रोजगारीलाई हटाउने गरी अघि बढेको बताए। श्रम प्रशासनलाई प्रभावकारी बनाउने, श्रम अडिट, कारखाना निरीक्षण, सेवा प्रवाहमा सरलता ल्याउने कुरामा पनि प्रभावकारी रुपमा काम अघि बढाएको भन्दै उनले श्रम तथा रोजगार कार्यालयलाई स्रोत साधनको कमी हुन नदिने प्रतिवद्धता जनाए । वैदेशिक रोजगारीलाई सरल, सहज बनाउने र विकृतिको अन्त्य गर्न सेवा प्रवाहलाई प्रविधिमा आधारित बनाउन लागिपरेको उनले बताए । सेवा प्रवाहलाई फेसलेस, क्यासलेस र पेपरलेस बनाउने दिशातर्फ काम अघि बढिसकेको मन्त्री श्रेष्ठले बताए ।

तनहुँको सहायक सिडियोमा गैरे

दमौली – तनहुँका सहायक प्रमुख जिल्ला अधिकारीमा काशीराम गैरे आउने भएका छन । सहायक सिडियो चित्राङ्गत बरालको नवलपुरमा सरुवा  भएपछि उनको ठाउँमा गैरे आउने भएका हुन ।  तनहुँ निवासी  गैरे गण्डकी प्रदेश कानुन ,सञ्चार तथा प्रदेश सभा मामिला मन्त्रालयबाट सरुवा भई आउन लागेका हुन् । गैरले यस अगाडि तनहुँमा शुक्लागण्डकी नगरपालिका र बन्दिपुर गाउँपालिकामा प्रमुख प्रशासकीय अधिकृतको जिम्मेवारी सम्हालेका थिए ।

व्यासका नगर प्रमुख, उपप्रमुख सहित कर्मचारीमा कोरोना संक्रमण पुष्टि, 

मंगलबारदेखी यो साता नगरपालिका बन्द रहने   दमाैली–  व्यास नगरपालिकाका नगर प्रमुख बैकुण्ठ न्यौपाने, उपप्रमुख मिरा जोशी सहित व्यास नगरपालिकाका केही कर्मचारीमा कोरोना संक्रमण पुष्टि भएको छ । राष्ट्रिय सभा निर्वाचनको पुर्वसन्ध्यामा जनप्रतिनिधीको पिसिआर परिक्षण गर्ने क्रममा नगरप्रमुख न्यौपाने, उपप्रमुख जोशी सहित व्यास नगरपालिकाका केही कर्मचारीमा कोरोना संक्रमण पुष्टि भएको व्यास नगरपालिकाले जनाएको छ । नगरप्रमुख, उपप्रमुख सहित कर्मचारीमा कोरोना संक्रमण पुष्टि भएपछि व्यास नगरपालिकाले मंगलबारदेखी शुक्रबारसम्म नगरपालिकाको अत्यावश्यक कामकाज बाहेकका अन्य सेवा बन्द गर्ने निर्णय गरेको व्यास नगरपालिकाका प्रमुख प्रशासकीय अधिकृत डिल्लीराम सिग्देलले जानकारी दिए ।

घिरिङ्ग गाउँपालिकाद्वारा स्वास्थ्य चौकिलाई एम्बुलेन्स हस्तान्तरण

      अन्जान परियार, घिरिङ्ग। घिरिङ्ग गाउँपालिकाले एम्बुलेन्स खरिद गरि स्वास्थ्य चौकीलाई हस्तान्तरण गरेको छ।आर्थिक वर्ष २०७७/०७८ को बार्षिक बजेट मार्फत गाउँपालिकाले एउटा एम्बुलेन्स खरिद गरेको हो। गाउपालिका अध्यक्ष रन बहादुर रानाले शुक्रबार एक कार्यक्रमका बिच घिरिङ्ग स्वास्थ्य चौकी इन्चार्ज प्रीतम थापा लाई एम्बुलेन्स हस्तान्तरण गर्नु भएको हो। रानाले स्वास्थ्य चौकी प्रमुख थापा लाई एम्बुलेन्सको चाबी दिएर शुभारम्भ समेत गर्नु भएको छ। उक्त एम्बुलेन्स सुत्केरी महिला , ७५ बर्ष माथिका नागरिक, बिपन्न बर्ग,आकस्मिक दुर्घटनामा परि घाइते भएका हरुलाई निशुल्क सेवा दिने बताइएको छ। भने अन्यको हकमा शुल्क लाग्ने रानाले बताउनु भएको छ।

व्यास नगरपालिका र सिटिइभिटी गण्डकी बीच द्विपक्षीय समझदारी

तनहुँ – तनहुँको व्यास नगरपालिका र प्राविधिक शिक्षा तथा व्यावसायिक तालीम परिषद् (सिटिइभिटी) गण्डकी प्रदेश बीच सोमबार द्विपक्षीय समझदारी सम्पन्न भएको छ । छोटो अवधिको सीपमूलक तालिम मार्फत युवाहरूको पेशागत तथा ब्यवसायिक दक्षता अभिवृद्धि गरी रोजगारी वा रोजगारीमा आवद्ध गराउने सम्बन्धमा नगरपालिका र सिटिइभिटी बीच द्विपक्षीय समझदारी भएको हो। उक्त समझदारी पत्रमा व्यास नगरपालिकाको तर्फबाट प्रमुख प्रशासकीय अधिकृत डिल्लीराम सिग्देल र सिटिइभिटीको तर्फबाट निर्देशक प्रमोद भक्त आचार्यले हस्ताक्षर गरेकाछन् । उक्त समझदारीको अवधि ०८० असार मसान्तसम्म कायम रहनेछ साथै दुवै पक्षको आपसी सहमतिमा आवश्यक परिमार्जन सहित पुनःनवीकरण गर्न सकिनेछ बताइएको छ । मागमा आधारित छोटो अवधिको सीपमूलक तालिम प्रदान गरी सीपयुक्त जनशक्ति उत्पादन गर्ने, उद्यमशीलता विकास तथा उद्यम स्थापना र स्तरोन्नतिमा सहकार्य गर्ने, सीप सिकेका युवाहरूलाई व्यावसायिक उद्यम स्थापना र स्तरोन्नतिमा सहयोग गरी विदेश पलायनलाई न्यूनीकरण गर्न, स्वरोजगारको अवसर बृद्धि गर्न, वैदेशिक रोजगारीबाट फर्किएका युवालाई उद्यमशीलतासँग जोडेर विदेशमा सिकेको सीप, अनुभव र पुँजीको स्वदेशमा नै सदुपयोग गरी स्वरोजगार बन्न सघाउन तथा युवालाई स्वरोजगार तथा रोजगारीका लागि आवश्यक समन्वय, संयोजन एवं सहजीकरण गर्ने जस्ता विविध उद्देश्यले द्विपक्षीय समझदारी गरिएको आर्चायले जानकारी दिए । श्रम बजारको माग, स्थानीय स्तरको आवश्यकता, युवाहरूको चाहना र क्षमता अनुसारका प्राविधिक तथा व्यावसायिक शिक्षा र सीपमूलक तालिम सञ्चालन गरी दक्ष प्राविधिक जनशक्ति तयार पार्ने उद्देश्यले नगरपालिकासँग सझेदारी गरेको सटिइभिटीका निर्देशक आचार्यले बताए । ‘कोभिडका कारण स्वदेशमा रोजगारी गुमाइ बेरोजगार भएका, विदेशबाट फर्किएका र वार्षिक श्रम बजारमा आउने युवाहरूलाई प्राविधिक तथा व्यावसायिक सीपप्रदान गरी स्वरोजगार र उद्यमी बनाउन साथसाथै आफ्नै पेशा व्यावसाय सञ्चालन गर्न उत्प्रेरित गराउन सिटिइसिटीले विभिन्न योजना अघि सारेको छ जस अन्तर्गत यो पनि एउटा हो उनले भने । बिगतका वर्षहरुमा तालिम प्रदायक संस्था र रोजगारदाता संस्थाहरुबीच समन्वयन हुदाँ तालिमको प्रभावकारी नदेखिएकाले अब पालिका र परिषद् बीच समन्वय तथा सहकार्य गरी अघि बढ्न आवश्यक रहेको उनले बताए । व्यास नगरपालिकाले विभिन्न समयमा युवाहरुलाई सीपमूलक तालिम प्रदान गर्दै आएको भएता पनि यसको प्रभावकारी न्युन हुँदा अपेक्षित नतिजा प्राप्त नभएको प्रमुख प्रशासकीय अधिकृत सिग्देलले बताए । विगत वर्षहरू देखि नै सिटिइसिटीसँग कुनै न कुनै रुपमा सहकार्य हुदै आएको भएता पनि प्रभावकारी कार्यान्वयन हुन नसकेको अवस्थामा यो द्विपक्षीय समझदारी गरिएको सिग्देलले जानकारी दिए । उक्त सम्झौता अनुसार सिसिइभिटीले सरोकारवाला संस्थाबाट पहिचान भई आएका पेशा तथा ब्यवसायहरूको पाठ्यक्रम निर्माण तथा परिमार्जन गर्ने, स्थानीय स्रोत साधनको अधिकतम उपयोग गर्दै अभिमुखीकरण, सीपविकास र क्षमता अभिबृद्धि जस्ता विविध तालिम सञ्चालन गर्ने, तालिमको क्रममा पाठ्यक्रममा व्यवस्था भए अनुसार प्रयोगात्मक अभ्यासका लागि स्थानीय स्तरमा रहेका सरकारी, गैह्र सरकारी, सहकारी, उद्योगी, व्यवसायी एवं रोजगारदाता संघ/संगठनसँग समन्वय गर्ने, तालिमको गुणस्तर सुनिश्चितताको लागि नियमित अनुगमन, सुपरिवेक्षण तथा नियमन गर्ने, सहभागीले सिकेका वा कार्य अनुभवबाट प्राप्त गरेको ज्ञान, सीप र दक्षतालाई आवश्यकता अनुसार सीप परीक्षण, स्तरीकरण र प्रमाणीकरण गर्ने , परिषदबाट लामो तथा छोटा अवधिका तालिम लिएका युवाहरूको अभिलेख राख्ने , नगरपालिका र अन्य सरोकारवाला निकायहरूका बीच नियमित समन्वय र सहकार्य गर्ने लगायतका काम गर्नेछ । त्यस्तै गरी नगरपालिकाको आवश्यकता, भूगोल र जनसंख्याको आधारमा जनशक्तिको पहिचान गरी तालिममा सहभागी हुने व्यक्तिको छनोट, सिफारिस र व्यवस्थापना गर्ने, स्थानीय तहभित्र सञ्चालन हुने तालिमको अनुगमन, मूल्याकन र समीक्षा गर्ने, तालिममा सीकेका व्यक्तिहरूलाई रोजगारी तथा आय आर्जनमा आवद्ध गर्नका लागि सहजकीरण गर्ने, पालिका भित्र सञ्चालन हुने विकास निर्माणका कामगर्न तालिम प्राप्त व्यक्तिलाई पहिलो प्राथमिकता दिने, पालिकामा उपलब्ध स्रोत साधान र स्वीकृत कार्यक्रम अनुसार तालिमको प्रकृति र आवश्यकताअनुसार लागत साझेदारीका आधारमा तालिम कार्यक्रम सञ्चालनका लागि सहयोग गर्ने, युवाहरुलाई व्यवसाय गर्न सहुलियत दरमा कर्जा उपलब्ध गराउने सम्बन्धमा सिटिइभिटी र युवा तथा साना व्यवसायी स्वरोजगार कोष सचिवालय बीच भएको सम्झौता अनुसार सहुलियत व्याज दरका कर्जा उपलब्ध गराउन आवश्यक सहजिकरण गर्ने, उत्पादित जनशक्तिलाई रोजगारीमा जोड्नको लागि रोजगार प्रदायक सस्थाहरूसँग समन्वय, सहकार्य लगायतको जिम्मेवारी हुनेछ । उक्त समझदारी पत्र हस्तान्तरणका अवसरमा उपप्रमुख मिरा जोशी, लेखा संयोजक हेमन्त गुरुङ, आइटीअफिसर विशाल पण्डित, प्राविधिक शिक्षा तथा व्यावसायिक तालीम परिषद् (सिटिइभिटी) गण्डकीका उपनिर्देशक जीवनप्रसाद भण्डारी लगायतको उपस्थिती रहेको थियो । व्यास नगरपालिकाले पहिलो चरणमा कुक, पञ्चेबाजा, मोवाइल मर्मत, सिलाइ कटाइ लगायतका तालिम सञ्चालन गर्न कार्यपालिकाको बैठकबाट निर्णय समेत गरिसकेको छ ।

पराशरका विद्यार्थीलाई रोट¥याक्टको पोशाक

तनहुँ, रोट¥याक्ट क्लब अफ दमौलीले बुधवार व्यास–५ वेनिपाटनस्थित पराशर माध्यमिक विद्यालयका विद्यार्थीलाई विद्यालय पोशाक सहयोग गरेको छ । क्लबले विद्यालयकै अनुरोधमा उक्त विद्यालयमा अध्ययनरत बोटे र दलित समुदायका विपन्न परिवारका विद्यार्थीहरुलाई न्यानो स्पोर्ट ड्रेस सहयोग गरेको हो । विद्यालयले आवश्यकता अनुरुप क्लबलाई पत्रपठाएको आधारमा २० जना विपन्न परिवारका बालबालिकालाई विद्यालय पोशाक सहयोग गरिएको रोट¥याक्ट क्लब अफ दमौलीका अध्यक्ष सुशान्त अधिकारीले जानकारी दिए । सोही अवसरमा व्यास–५का वडा अध्यक्ष मोहनकुमार श्रेष्ठले रोट¥याक्ट र रोटरीले समाजमा महत्वपूर्ण योगदान गर्दै आएको बताए । रोट¥याक्टले अन्य स्थानीय क्लबहरुसँग पनि समन्वय र सहकार्य गर्दै समाज रुपान्तरणको अभियानमा अघि बढ्न उनले युवाहरुलाई सुझाव दिएका थिए । साथै रोट¥याक्टमा आवद्ध युवाहरुले आफ्नो खर्च कटाएर समाज सेवाको कार्य गर्दैै आएको भन्दै श्रेष्ठले प्रंशसा समेत व्यक्त गरेका थिए । कार्यक्रममा विद्यालयव्यवस्थापन समितिका अध्यक्ष उषा क्षेत्रीले विगतदेखि नै रोट¥याक्ट र रोटरीले विद्यालयको शैक्षिक विकासमा सहयोग पु¥याएको बताइन् । यसैबीच विद्यालयका प्रअ रामदत्त पौडेलले विपन्नता र आवश्यकतालाई मध्यनजर गरी रोट¥याक्टक्लबले सामाजिक सेवा गरी छुट्टै पहिचानबनाउन सफल भएको बताए । क्लबका अध्यक्ष अधिकारीको अध्यक्षततामा सम्पन्न कार्यक्रममा क्लबका पूर्व अध्यक्ष मनोज राउत, प्रेसि डेन्टनोमिनी अनुज बिमली लगायतले बोलेको कार्यक्रम संयोजक गोविन्द तिमल्सेनाले जानकारी दिए ।

मुग्लिन – पोखरा सडकखण्डलाई फराकिलो बनाउन यसरी गरिदै छ तयारी

दमौली । गण्डकी प्रदेशको लाइफलाइनको रुपमा पृथ्वी राजमार्गलाई लिईन्छ । २०२६ सालमा रेखांकन भएको सडकमा सवारीको चाप बढ्दै गएपछि एसियाली विकास बैंक (एडीबी)को ऋण सहयोगमा सडक चार लेनको बनाईन सुरु गरिएको छ । ८० किलोमिटर रहेको मुग्लिन पोखरा सडकखण्डलाई दुई खण्डमा विभाजन गरेर ठेक्का लगाइएको छ । चार लेनमा स्तरोन्तति गर्न पहिलो चरणमा सडकको आसपास रहेका रुख कटान सुरु गरिएको छ । पहिलो चरणमा आँबुखैरेनीदेखि जामुने प्याकेजअन्तर्गतका रुख काट्न थालिएको हो । सडक बिस्तारका लागि तनहुँ जिल्लाभित्र मात्रै ६ हजार ७ सय ५० रुख काट्नु पर्ने रिपोर्ट छ । त्यस्तै कास्की जिल्लामा भने १ हजार ५ सयभन्दा बढी रुख काट्नुपर्ने आयोजनाले जनाएको छ । रुख काट्न वन विभागले स्वीकृति दिइसकेको छ ।   मुग्लिनदेखि आँबुखैरैनी, आँबुखैरेनीदेखि जामुने र जामुनेदेखि पोखरा गरी ३ प्याकेजमा सडकलाई विभाजन गरिएको छ । मुग्लिन आँबुखैरेनी सडक छोडेर २ प्याकेजमा पहिलो चरणको काम हुँदै छ । मुग्लिङ–पोखरा ४ लेन सडक योजनाका लागि चालु आर्थिक वर्षमा संघ सरकारले ४ अर्ब ४३ करोड विनियोजन गरेको छ । दुवै प्याकेज चीनको कम्पनीले पाएका छन् । पहिलो प्याकेज चाइना कम्युनिकेसन कन्स्ट्रक्सन र दोश्रो प्याकेज अनहुइ काइयुआन हाइवे एन्ड ब्रिज कम्पनीलाई ठेक्का दिइएको हो । यो सडकको काम २०२४ को अप्रिलमा सकिने छ । आँबुखैरेनी–जामुने खण्डमा ६ अर्ब २१ करोड र जामुनेदेखि पोखरा खण्डमा ७ अर्ब ४० करोड रुपैयाँ लागत लाग्ने छ । यो खण्डमा करिब १ हजार घर भत्काउनुपर्ने छ । मुग्लिनदेखि डुम्रे खण्डका २ सय ३७, डुम्रेदेखि दमौलीसम्मका ९८, दमौलीदेखि खैरेनीटारमा २ सय ६७ घर र खैरेनीटार–पोखरा क्षेत्रमा २ सय ५८ घर भत्काउनुपर्ने देखिएको छ । अझै केही थपिन सक्ने बताइएको छ । सबै घरटहरालाई मुआब्जा दिएर हटाउने आयोजनाले जनाएको छ । यो सडकमा साना ठूला ३९ वटा पुल बनाउनुपर्ने डिजाइन छ । साना ३१ र ठूला ८ वटा पुल बन्ने आयोजनाले जनाएको छ । यसबाहेक २ सय ३० वटा स्ल्याब कल्भर्ट र ६२ वटा पाइप कल्भर्ट बनाइने छ । धारापानी, खानीखोला, नालाखोला, बुल्दी खोला, म्याग्दे खोला, कुम्ले खोला, कोत्रे र विजयपुरमा नयाँ पुल बनाउने योजना छ । मादीमा ४ लेनको नयाँ पुल बन्नेछ भने सेतीमा अहिले भइरहेको पुललाई सहयोग पुग्ने गरी थप २ लेनको पुल निर्माण हुनेछ । निर्माण सामग्री र वन क्षेत्रका कारण केही समस्या आउन सक्ने एडिबीले जनाएको छ । सडकको डिजाइन सन् २०१६ देखि क्यानेडियन कम्पनी एमएमएम रुपले बनाएको हो । ६६ किलोमिटर ४ लेनको सडक हुनेछ भने २२ किलोमिटर ६ लेनको बन्नेछ । यो सडक पूर्ण रुपमा स्तरोन्तति गर्न करिब २८ अर्ब लाग्ने अनुमान गरिएको छ । यसमध्ये ४ अर्ब रुपैयाँ मादी र सेतीमा आकर्षक पुल बनाउन खर्च हुनेछ । सडक बिस्तारको क्रममा मापदण्डभित्र पर्ने करिब १ हजार घर टहरा हटाउनुपर्ने रिपोर्ट निकालिएको छ । ८१ किलोमिटर पोखरा–आबुखैरेनी सडक पहिलो चरणमा विस्तार गरिनेछ भने ८ किलोमिटर आबुखैरनी–मुग्लिन खण्डमा त्यसपछि काम हुनेछ । एडिबीका अनुसार आगामी ५ वर्षभित्र यो राजमार्गलाई पूर्ण रुपमा स्तरोन्तति गरिसकिने छ । करिब ५ दशकअघि चीन सरकारको सहयोगमा निर्माण गरिएको यो सडक सामान्य टालटुल बाहेक अहिलेसम्म स्तरोन्तति भएको छैन । दुवैतिर सर्भिस लेन, फुटपाथसहित बजारी क्षेत्रमा ४२.५ मिटर चौडा र अरु ठाउँमा १८ मिटर फराकिलो बाटो बन्ने आयोजनाका इन्जिनियर नरेन्द्र सुवेदीले जानकारी दिए । सडक बनाउन एडिबीले १९ करोड ५० लाख अमेरिकी डलर अर्थात् करिब २२ अर्ब रुपैयाँ ऋण सहायता उपलब्ध गराउने समझदारी भएको छ । नेपाल सरकारले थप ५ अर्ब ९० करोड लगानी गर्नेछ ।

प्रकाश र मीना बने दोहोरी च्याम्पियन

पोखरा । प्रकाश पराजुली र मीना बुढाथोकीको जोडी नेपालकै पहिलो दोहोरी च्याम्पियन बन्न सफल भएको छ । फेवाताल किनारमा शनिबार राति भएको दोहोरी च्याम्पियनको फाइनलमा निर्णायक प्रजापति पराजुलीले च्याम्पियनको घोषणा गरेका हुन् । प्रतियोगितामा शोभा कार्की र बालचन्द्र बराल दोस्रो भए । त्यस्तै, रीता रावत, सविन आचार्यको जोडी तेस्रो र मीना नेपाल र राजेन्द्र पाठकको जोडी सान्त्वना भएको छ । नेपाल टेलिभिजनको प्रस्तुतिमा विगत ९ महिनादेखि जारी प्रतियोगितामा देशका विभिन्न ठाउँबाट प्रतियोगीले भाग लिएका थिए । जसको ग्राण्ड फिनाले गण्डकी प्रदेश राजधानी पोखरामा भएको हो । जीतपछि च्याम्पियन मीना बुढाथोलीले सबैको आशीर्वादले आफूहरु नेपालकै पहिलो दोहोरी च्याम्पियन बन्न सफल भएको बताइन् । उनले यस्तै साथ र सहयोग सधैंभरि रहने अपेक्षासमेत व्यक्त गरिन् । विजेता समूहले २० लाखसहित १ करोड बराबरको रियालन्स जीवन बिमा तथा उपविजेता समूहले १० लाखसहित ५० लाख बराबरको जीवन बिमा पुरस्कार प्राप्त गरेका छन् । यस्तै, तेस्रोले ३ लाख र सान्त्वनाले २ लाख नगद पुरस्कार प्राप्त गरेका छन् । प्रमुख अतिथि गण्डकीका मुख्यमन्त्री कृष्णचन्द्र नेपाली पोखरेली, नेपाल टेलिभिजनका महाप्रबन्धक फूलमान बल तामाङ लगायतले पुरस्कार वितरण गरे । नेपाल टेलिभिजनका महाप्रबन्धक फूलमान बल तामाङले पहिलो दोहोरी च्याम्पियनको अभूतपूर्व सफलतापछि टेलिभिजनले अब छिट्ट्रै दोहोरी च्याम्पियनको दोस्रो संस्करण ल्याउने घोषणा गरे । प्रतियोगिता निर्णायकमा प्रजापति पराजुलीसहित रमेश बिजी ,चन्द्र शर्मा र सीता थापा थिए । गायक बद्री पंगेनी र गायिका प्रीति आलेले होस्ट गरेका थिए । ‘प्रतिस्पर्धा दोहोरीकोः संरक्षण संस्कृतिको’ नाराका साथ आयोजित प्रतियोगिताको प्रायोजन एड्भटाइजिङ प्रालिले गरेको हो ।