दमौली । तनहुँको व्यास नगरपालिका ९ गजौडेस्थित माहेन्द्री माविका विद्यार्थीलाई अभियान्ता महम्मद गफ्फार (सुदिप)ले स्वीटर र मोजा वितरण गरेका छन् ।
मंगलबार माहेन्द्रीका २५ विद्यार्थीलाई स्वीटर र मोजा सहयोग गरेका हुन् । देउसीभैलो खेलेर संकलित रकमबाट सुदिपले ‘न्यानो अभियान’ सञ्चालन गरिरहेका छन् ।
उक्त कार्यक्रममा व्यास-९ का वडाध्यक्ष सुरेश थापा को समेत उपस्थिति रहेको थियो । विद्यालयका अध्यक्ष राजु आचार्य र प्रधानाध्यापक अमृतबहादुर थापाले सहयोगका लागि धन्यवाद व्यक्त गरेका थिए ।