तनहुँ । तनहुँको व्यास नगरपालिका-१२ कमलबारीमा मोटरसाइकल र बलेरो ठोक्किँदा दुई जनाको मृत्यु भएको छ ।
मृत्यु हुनेमा हेटौडा-१३ बस्ने २६ वर्षका मोटरसाइकल चालक जयराम मोक्तान र मोटरसाइकलको पछाडी सवार भीमफेदी-१ बस्ने दिपेश गोले रहेको जिल्ला प्रहरी कार्यालय तनहुँका प्रहरी नायव उपरिक्षक युवराज खड्काले जानकारी दिए । दुबैको मृत्यु भएको प्रहरी नायव उपरिक्षक खड्काले पुष्टि गरे ।
पृथ्वी राजमार्ग अन्तगत डुम्रेबाट दमौलीतर्फ आउँदै गरेको बा ४३ प ३०२० नम्बरको मोटरसाइकललाई विपरीत दिशाबाट जाँदै गरेको ग ३ च ४१८२ नम्बरको बलेरोले ठक्कर दिँदा दुर्घटना भएको प्रहरीले जनाएको छ ।
तनहुँको कमलबारीमा दुर्घटना: हेटौडाका मोटरसाइकल चालक मोक्तानको मृत्यु, एक जना घाइते