तनहुँ । तनहुँको शुक्लागण्डकीमा आफ्नै श्रीमतीको कुटपिटबाट एक जनाको मृत्यु भएको छ । बुधबार कास्कीको पोखरा महानगरपालिका वडा नं ३० सिसुवा स्थायी घर भई हाल जिल्ला तनहुँको शुक्लागण्डकी नगरपालिका वडा नं ४ प्रगती टोल स्थितमा डेरा गरी बस्ने ४० वर्षीय मन बहादुर नेपालीलाई उनकै श्रीमती ३६ वर्षिया शुशिला वि.क.ले कुटपिट गर्दा मनबहादुरको मृत्यु भएको प्रहरीले जनाएको छ ।
मादक पदार्थ सेवन गरी घरायसी कुराहरुमा विवाद हुदाँ ढुङ्गाले श्रीमानको टाउको समेतको भागमा प्रहार गरी गम्भिर घाईते बनाएकोमा नेपालीको उपचारको क्रममा जिपि कोईराला राष्ट्रिय श्वास प्रश्वास उपचार केन्द्र बेलचौतारामा मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिए ।
सो घटनामा संलग्न उनको श्रीमती शुशिला विकलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय तनहुँले जनाएको छ ।