भानु । तनहुँको भानुमा नदीमा पौडी खेल्ने क्रममा नदीले बगाइ एक पुरुष बेपत्ता भएका छन् ।
बेपत्ता हुनेमा भानु नगरपालिका वडा नं ८ बलिफाँट बस्ने ३५ वर्षिय सुक बहादुर नेपाली रहेको प्रहरीले जनाएको छ ।
नेपाली* शनिबार दिउसो सतदेबि मन्दिरको निमार्णको लागी श्रमदान गर्न जान्छु भनि घरबाट निस्किएकोमा मर्स्याङ्दी नदीको किनारामा पौडी खेल्ने क्रममा उनलाई सोही मर्स्याङ्दी नदिले बगाई बेपत्ता भएको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाणले जानकारी दिए ।
नदिले बगाएको सुचना प्राप्त हुनासाथ उनको खोजतलासको लागी प्रहरी चौकी पुर्कोट तनहुँ, ईलाका प्रहरी कार्यालय भानु तनहुँबाट प्रहरी निरीक्षक समेतको प्रहरी टोली, मनकामना गण भानु तनहुँबाट उद्दार सामाग्री सहितको शसस्त्र प्रहरी बल र स्थानिय मानिसहरु समेतको संयुक्त टोली उक्त स्थानमा खटिई गई उनको खोजतलास गरिरहेको तर फेला नपरेको जिल्ला प्रहरी कार्यालय तनहुँले जनाएको छ ।
उक्त घटना सम्बन्धमा थप अनुसन्धान एवं खोजतलास भईरहेको प्रहरीले जनाएको छ ।
*थर नेपाली हुनुपर्नेमा अन्यथा भएकाले सच्याइएको । -सम्पादक