दमौली । दमौलीको बाराही आवासीय माविले धामनिधि पन्थलाई प्रिन्सिपल नियुक्त गरेको छ ।
दमौलीको ठूलो निजी शिक्षण संस्था बाराहीले एक कार्यक्रम गर्दै नयाँ प्रिन्सिपल पन्थलाई स्वागत गरेको छ । स्कुलका सञ्चालक सन्देशनारायण श्रेष्ठ तथा सरिता श्रेष्ठ लगायतले पन्थलाई स्वागत गरेका थिए ।
विद्यालयले एक विज्ञप्ति जारी गर्दै शैक्षिक क्षेत्रमा ख्याती कमाएका तथा शिक्षकहरुका पनि शिक्षक पन्थलाई जिम्मेवारी प्रदान गरिएको भन्दै उनको नेतृत्वले शैक्षिक समाज र समुदायलाई योगदान दिने उल्लेख गरेको छ ।
बाराहीले निधिको कार्यकाल सफल र रुपान्तरणकारी हुने पनि आशा गरेको छ । पन्थ लामो समयदेखि शिक्षण क्षेत्रमा सक्रिय छन् ।
दमौलीमा निजी शिक्षण संस्थामध्ये प्रमुख विद्यालय बाराहीले नयाँ व्यवस्थापनका माध्यमबाट शैक्षिक परिवर्तन गर्दै आइरहेको छ ।
Beta feature