दमौली । पहिरो खस्दा पृथ्वी राजमार्ग पूर्ण रुपमा अवरुद्ध भएको छ ।
तनहुँको व्यास-१२ घाँसीकुवामा पहिरो जाँदा पृथ्वी राजमार्गको दमौली-डुम्रे सडकखण्ड पूर्ण रुपमा अवरुद्ध हो ।
बुधबार करिब ५ बजेको समयमा सडक माथिबाट पहिरो खस्दा पृथ्वी राजमार्ग पूर्ण रुपमा अवरुद्ध भएको जिल्ला ट्राफिक कार्यालय तनहुँका प्रमुख सन्तोष पौडेलले जानकारी दिए । उनले भने ‘अहिले डाइभर्सन गरेर सवारी साधन पठाइरहेका छौ ।’
दमौली तर्फ तालघरे र डुम्रे तर्फ घाँसिकुवाको छेउ निस्किने गरी डाइभर्सन गरिएको छ ।
पहिरो हटाउन जेसिबी बोलाइएको उनले जानकारी दिए ।
उक्त पहिरो हटाउन केहि घण्टा लाग्ने उनले बताए ।