आँबुखैरेनी । तनहुँको आँबुखैरेनी–२ ढापटारमा आइतबार राती मिनि ट्रकसंग ठोकिदाँ मोटरसाइकल चालकको ज्यान गएको छ ।
आबुखैरेनी गाउँपालिका–३ बस्ने बर्ष २६ का सफल राना मगरको मृत्यु भएको जिल्ला प्रहरी कार्यालय तनहुँले जनाएको छ ।
आँबुखैरेनीबाट डुम्रेतर्फ आउँदै गरेको ग १ क ५०१२ नंम्बरको मिनि ट्रकले र सोही दिशामा गुडिरहेको प्रदेश ३–०२–००९ प ८५३० नंम्बरको मोटरसाईकललाई ठक्कर दिदाँ उक्त दुर्घटना भएको हो ।
ट्रकको ठक्करबाट सख्त घाइते रानाको आबुखैरेनी अस्पतालमा प्राथामिक उपचार पश्चात पुरानो मेडिकल कलेज भरतपुर लगिएकोमा चिकित्सकले मृत घोषणा गरेका थिए ।
मिनी ट्रक र ट्रक चालक ईलाका प्रहरी कार्यालय आबुखैरेनीको नियन्त्रणमा रहेको तनहुँका प्रहरी नायव उपरीक्षक मोहनबहादुर खाणले जानकारी दिए ।