तनहुँ । छाङ युवा संजालद्वारा आयोजित ‘प्रेम स्मृती’ कपमा संकलित रकम छाङ युवा संजालका युवाहरूले सहयोग गरेका छन् ।
छाङका भलिबल खेलाडी स्वर्गिय प्रेम बहादुर गुरूङको परिवार (श्रीमती गिता गुरूङ, छोरीहरू: प्रिन्सा गुरूङ प्रियङ्का गुरूङ) लाई संजालको तर्फबाट रू. १ लाख ६० हजार सहयोग हस्तान्तरण गरिएको संजालका युवा गौरवराज रानाले बताए ।
उक्त रकमबाट स्वर्गीय गुरूङको परिवारमा शिक्षा सँगै दैनिकीको लागि सहज हुने संजालले अपेक्षा गरेको छ ।
संजालका संस्थापक अध्यक्ष नर सिं रानाको अध्यक्षतामा आयोजित सहयोग हस्तान्तरण कार्यक्रममा प्रतियोगिताका संयोजकहरू सन्तोष राना, गौरवराज राना तथा संजित आलेले शुभकामना व्यक्त गरेका थिए ।
उक्त अवसरमा छाङ युवा संजालका अध्यक्ष भक्त्त बहादुर गुरूङले आयव्यय प्रस्तुत गरेका थिए ।