तनहुँ । तनहुँको व्यास नगरपालिका-१२ कमलबारीमा मोटरसाइकल र बलेरो ठोक्किँदा एक जनाको मृत्यु भएको छ । अर्का एक जना घाइते भएका छन् ।
मृत्यु हुनेमा हेटौडा-१३ बस्ने २६ वर्षका मोटरसाइकल चालक जयराम मोक्तान रहेको जिल्ला प्रहरी कार्यालय तनहुँले जनाएको छ ।
पृथ्वी राजमार्ग अन्तगत डुम्रेबाट दमौलीतर्फ आउँदै गरेको बा ४३ प ३०२० नम्बरको मोटरसाइकललाई विपरीत दिशाबाट जाँदै गरेको ग ३ च ४१८२ नम्बरको बलेरोले ठक्कर दिँदा दुर्घटना भएको प्रहरीले जनाएको छ ।
दुर्घटनामा परि मोटरसाइकलको पछाडी सवार भीमफेदी-१ बस्ने दिपेश गोले घाइते भएका छन् । घाइतेको पोखराको मणिपाल अस्पतालमा उपचार भइरहेको प्रहरीले जनाएको छ ।