भानु । तनहुँको भानु नगरपालिका वडा नं ७ चन्द्रावतीमा चुदी खोलाले बगाउदा डेढ वर्षिया बालिकाको मृत्यु भएको छ । सोही स्थान निवासी रचना श्रेष्ठको १ वर्ष ६ महिनाको छोरी काव्या श्रेष्ठलाई घरदेखी अन्दाजी २० मिटर पछाडि रहेको चुदी खोलाले बगाउदा बालिकाको मृत्यु भएको प्रहरीले जनाएको छ ।
खोलाले बगाई बेपत्ता बनाएकोमा खोजतलास गर्ने क्रममा उक्त स्थानदेखी अन्दाजी ५ सय मिटर तल सोही खोलाको किनारमा स्थानिय व्यक्तीले अचेत अवस्थामा फेला पारेका थिए ।
बालिकाको उपचारको लागी दमौली अस्पताल पठाएकोमा १० बजेको समयमा मृत्यु भएको जिल्ला प्रहरी कार्यालय तनहुँका प्रहरी निरीक्षक राजकुमार विकले जानकारी दिए ।