दमौली । टिम नेपो तनहुँले व्यास-३ स्थित रहेको दमौली अस्पताल परिसरमा सरसफाइ गरेको छ ।
उक्त कार्यक्रममा व्यास-३ का वडाअध्यक्ष अनुप राना प्रमुख अतिथि रहेको थिए । सो अवसरमा रानाले भोलिका दिनमा टिम नेपो तनहुँलाइ आवश्यक सहयोग गर्ने प्रतिबद्धता गदै स्थानिय निकाय सँग समन्वय गरी कार्यक्रम गर्न अनुरोध गरे ।
कार्यक्रममा दमौली अस्पतालका प्रशासन प्रमुख डा दिवस ढकालले दमौली अस्पताल परिसरमा फोहोर व्यवस्थापनका लागि आवश्यक सहयोग रहेको बताए ।
कार्यक्रमका सभापति रबि अधिकारीले टिम नेपो तनहुँ स्वस्थ्य, शिक्षा, युवा नेतृत्व र वातावरण क्षेत्रमा रहेर बिभिन्न कार्यक्रम गर्दै आएको र टिम नेपो तनहुँले मानुकोटमा नेपालको झण्डा, विद्यालयमा शैक्षिक सामाग्री, बृक्षारोपण, नेतृत्व विकास तालिम, आखा तथा स्वास्थ्य शिविर, सरसफाइका लगाएका कार्यक्रमहरु गर्दै आएको बताए ।
कार्यक्रम संयोजक सरस्वति मिश्रले स्वागत मन्तव्य राखेकी थिइन ।
कार्यक्रममा सामुदायिक साझेदारी प्रहरी, दमौली अस्पतालका स्वास्थ्यकर्मी र स्थानियबासीको उपस्थिति रहेको थियो ।