आँबुखैरेनी । अवैध लागूऔषध गाँजासहित प्रहरीले एक जनालाई पक्राउ गरेको छ । पक्राउ पर्नेमा धादिङको निलकण्ठ नगरपालिका वडा नं ७ सुनौला बजार बस्ने २२ वर्षीय कृष्ण बहादुर खड्का रहेको प्रहरीले जनाएको छ ।
शनिबार बिहान तनहुँको आँबुखैरेनी गाउँपालिका वडा नं ४ बेनिटार स्थित पृथ्वी राजमार्ग सडकखण्डमा अस्थायी प्रहरी पोष्ट मुग्लिङ पुलजिप तनहुँबाट खटिएको प्रहरी टोलीले मुग्लिङबाट आँबुखैरेनी तर्फ आउदै गरेको ना ४ ख ६३५६ नं को यात्रु वाहक बस रोकी चेकजाँच गर्ने क्रममा उक्त बसमा सवार खड्कालाई प्रहरीले पक्राउ गरेको हो ।
खड्काले निलो झोला भित्र लुकाई राखेको अवस्थाको ६ केजी अवैध लागु औषध गाँजा फेला परेको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाणले जानकारी दिए ।
उक्त लागु औषध सहित खड्कालाई नियन्त्रणमा लिई आज आइतबार तनहुँ जिल्ला अदालतमा उपस्थित गराई लागु औषध गाँजा मुद्दामा दिन ६ दिनको म्याद थप गरी थप अनुसन्धान भईरहेको प्रहरीले जनाएको छ ।