दमौली । घिरिङको करुवाटारबाट भरुवा बन्दुकसहित एक जना पक्राउ परेका छन् । पक्राउ पर्नेमा घिरिङ गाउँपालिका वडा नं ४ करूवाटार बस्ने ५९ वर्षीय टेक बहादुर सोती मगर रहेको प्रहरीले जनाएको छ ।
गत असार ८ गते बिहान सालिग्राम कोरीडोर मोटर मार्गमा मगरलाई अवैध रूपमा एकनाले भरूवा बन्दुक साथमा लिई हिडेको अवस्थामा फेला पारी नियन्त्रणमा लिई शरिर खानतलासी गर्दा निजको साथबाट फलामको छर्राका टुक्रा, बारुद, प्लाष्टिक कागजको टुक्रा, पटका समेत फेला परेको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाँणले जानकारी दिए ।
उनलाई तत्काल पक्राउ गरी हातहतियार खरखजना मुद्दा शिर्षकमा आइतबार तनहुँ जिल्ला अदालतमा उपस्थित गराई ७ दिनको म्याद थप अनुमती लिई थप अनुसन्धान भइरहेको प्रहरीले जनाएको छ ।