दमौली । इनरह्वील क्लब अफ दमौलीको वर्ष २०२३–२४ को लागी नयाँ कार्यसमिति चयन भएको छ ।
क्लबको अध्यक्षमा प्रमिला श्रेष्ठ चयन भएकी छिन । त्यस्तै क्लबको सचिवमा सिर्जना घिमिरे, उपाध्यक्षमा नारायणी मल्ल, कोषाध्यक्षमा सविता श्रेष्ठ, आईएसओमा गोमा श्रेष्ठ, सम्पादकमा सरु श्रेष्ठ चयन भएका छन ।
यस्तै सदस्यहरुमा सुनिता श्रेष्ठ, अन्जु श्रेष्ठ, कल्पना अधिकारी, सृजना विक चयन भएका छन ।
बिहिबार ९ औं पदस्थापन कार्यक्रमको अवसरमा नयाँ कार्यसमितिको पदभार ग्रहण गरिएको क्लबकी पुर्व अध्यक्ष निर्मला मल्लले जानकारी दिईन ।
सो क्लबले अवसरमा व्यास–१० स्थित चण्डिदेवि माविको कक्षा ६ मा अध्ययनरत करुणा बोटेलाई कक्षा १० सम्म अध्ययन गर्न छात्रवृतीप्रदान गरेको छ ।
क्लबले गतवर्ष गरेका कामहरु बारे जानकारी सहितको इनरह्वील सन्देश समेत लोकार्पण गरिएको थियो ।
उक्त कार्यक्रमको प्रमुख अतिथि इनरह्वील डिष्ट्रिक्ट ३५० की अध्यक्ष टुना थापा रहेकी थिइन ।