दुलेगौडा । ट्याक्टर र मोटरसाइकल दुर्घटना हुँदा एक महिलाको मृत्यु भएको छ । बिहिबार तनहुँको शुक्लागण्डकी नगरपालिका वडा नं. १० छाब्दी देउराली स्थित भित्री सडक खण्डमा दुर्घटना हुँदा शुक्लागण्डकी नगरपालिका वडा नं. १ थप्रेक बस्ने वर्ष ४५ की पिपलकौरी गुरुङको घटनास्थलमा नै मृत्यु भएको प्रहरीले जनाएको छ ।
साखेबाट दुलेगौडा तर्फ आउदै गरेको ग ७ प ६९२४ नं. को मोटरसाइकल र विपरित दिशाबाट जाँदै गरेको ग १ त ३९९४ नं. को ट्याक्टर आपसमा ठक्कर खाई दुर्घटना हुँदा मोटरसाइकलको पछाडी सवार गुरुङको मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाँणले जानकारी दिए ।
सो घटनामा संलग्न ट्याक्टर चालक तथा मोटरसाइकल चालकलाई नियन्त्रणमा लिई थप अनुसन्धान भईरहेको प्रहरीले जनाएको छ ।