दमौली । पृथ्वी राजमार्ग अन्तर्गत तनहुँको व्यास नगरपालिका–१२ घाँसिकुवामा पहिरो खसेको छ । गत भदौ ५ गते भीषण पहिरो गएको स्थानमा नै शुक्रबार बिहान पहिरो गएको छ ।
दमौली-डुम्रे सडकखण्डमा लगातार परिरहेको अविरल वर्षाको कारण घाँसिकुवामा पुन: पहिरो गएको छ । सो पहिरोको कारण अहिले पृथ्वी राजमार्ग अवरुद्ध रहेको छ ।
बिहीबार रातिदेखि परेको वर्षाका कारण शुक्रबार बिहान ४ बजे खसेको पहिराले उक्त खण्ड पूर्ण रुपमा अवरुद्ध भएको हो ।
साथै बैकल्पिक सडकमा समेत लगातार परिरहेको वर्षाकै कारण खोलाले पुल नाघेको हुँदा सो बाटो पनि अहिले अवरुद्ध रहेको छ ।
जे.सि.भि मार्फत पहिरो हटाउने काम अबको केहिबेरमा हुने जनाईएको छ । झरिमा सडक अबरुद्ध हुँदा यात्रुहरू अलपत्रमा परेका छन ।
तस्विर : भन्सार बजार