दमौली । लायन्स क्लव अफ भानुभक्तको आयोजनामा दमौलीमा गजल प्रेमीहरुलाई मध्यनजर गर्दै ‘लायन्स गजल साँझ २०८१’ हुने भएको छ ।
आगामी माघ ११ गते तनहुँको दमौली सभाहलमा गजल साँझ हुने शुक्रबार दमौलीमा पत्रकार सम्मेलनको आयोजना गरि जानकारी दिइएको थियो ।
समुदायमा रहेका विपन्न बालबालिकाहरुको सहज पठनपठनमा सहयोग गर्ने तथा बालबालिकाहको पोषण अभिवृद्धि गर्नुका साथै लायन्स क्लव अफ तनहुँ भानुभक्तको नाउँमा अक्षयकोष खडा गरि दिगो सेवाको काम गर्ने उद्देश्यले गजल साँझ आयोजना गर्न लागिएको क्लबका अध्यक्ष हर्षमान श्रेष्ठले जानकारी दिए ।
अध्यक्ष श्रेष्ठका अनुसार गजल साँझको माध्यमबाट लायन्सका गतिविधिहरुलाई समाजमा उजागर गर्दै संकलित सहयोगबाट १५ लाख बराबरको अक्ष्यकोष
गजल साँझमा तनहुँमा जन्मेका चर्चित गायक राज सिग्देल र गोरखाका गजलकार प्रदीप रोदनको प्रस्तुती रहने आयोजकले जनाएको छ ।
साथै दमौलीका गायक नवराज थापाका समेत प्रस्तुति रहने आयोजकले जनाएको छ ।
कार्यक्रममा करिब ३ सय जनाको उपस्थिति रहने आयोजकको अपेक्षा छ । कार्यक्रममा प्रवेश शुल्क ५ सय र एक हजार राखिएको आयोजकले जनाएको छ ।
यस्तै विद्यार्थीको लागी आइडि कार्ड सहित आएमा ३ सय रुपैयाँको प्रवेश शुल्क रहेको छ ।
सो अवसरमा पत्रकार महासंघ तनहुँका पूर्वअध्यक्ष प्रदिप काफ्ले, पत्रकार महासंघ तनहुँका अध्यक्ष डिपि अधिकारी लगायतले शुभकामना मन्तव्य राखेका थिए ।