तनहुँ – पूर्व युवराज पारस शाह चढेको हेलिकप्टर बुधबार साँझ तनहुँमा आकस्मिक अवतरण गरिएको छ ।
राजविराजबाट पोखराको लागि उडेको एयर डाइनेष्टिक हेलिकप्टर व्यासनगरपालिका–१४ स्थित मास्दीघाटमा आकस्मिक अवतरण गरिएको हो ।
पानी पर्ने र बाक्लो तुवाँलो कारण मौसम खराबी हुँदा आकस्मिक अवतरण गर्नुपरेको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सेनाले जानकारी दिनुभयो ।
उक्त हेलिकप्टरमा पूर्व युवराज पारस शाह सहितको छ जनाको टोली रहेको र मौसम सफा भएपछि बिहीबार उडान भर्ने योजना रहेको उहाँले बताउनुभयो ।