तनहुँ । पृथ्वीराजमार्ग अन्तर्गत तनहुँको आँबुखैरेनी–मुग्लिन सडकखण्ड शुक्रबार बेलुका ७ बजेदेखि शनिबार बिहान ५ बजेसम्म बन्द रहने भएको छ ।
उक्त खण्ड मर्मतका लागि अर्को सूचना नआएसम्म बेलुका ७ बजेदेखि बिहान ५ बजेसम्मका लागि बन्द गरिने जिल्ला प्रशासन कार्यलय तनहुँले जनाएको छ ।
लगातार वर्षाका कारण पहिरो गई सडक खण्डमा क्षति पुगेको हुँदा ठूला सवारी साधनहरुलाई वैकल्पिक बाटोबाट यातायात सञ्चालन गर्न आग्रह गरिएको सहायक प्रमुख जिल्ला अधिकारी काशीराम गैरेले जानकारी दिए ।
जिल्लाको आँबुखैरेनी–४ साँखरस्थित मर्स्याङदी विद्युत गृह नजिकै शुक्रबार बिहान सडक भासिएपछि अवरुद्ध भएको थियो ।
सडक भासिएपछि बिहानैदेखि अलपत्र सर्वसाधारणलाई पैदल हुँदै वारपार गराइएको थियो । साना सवारी साधन पनि समय–समयमा सञ्चालनको व्यवस्था मिलाइएको थियो ।
ठुला माल वहाक सवारी चल्न केहि दिन लाग्ने प्रहरीले जनाएको छ ।
सूचना :
