तनहुँ । तनहुँको बन्दीपुर गाउँपालिकामा शुक्रबार पुन: चितुवाले आक्रमण गरेको छ । चितुवाको आक्रमणबाट बन्दीपुर-३ चिलाउनेबेसीमा ११ वर्षीया एक बालिकाको मृत्यु भएको छ ।
मृत्यु हुनेमा बन्दिपुर-३ चिलाउनेबेसी निवासी ११ वर्षीया दिना चेपाङ रहेको बन्दीपुर गाउँपालिकाका निवर्तमान अध्यक्ष पुर्ण सिं थापाले जानकारी दिए ।
आफ्नो घर नजिकै रहेको छ्यामाको घर जाने क्रममा बिहान करिब साढे ६ बजेको समयमा चितुवाले आक्रमण गरेको निवर्तमान अध्यक्ष थापाले बताए । उनले भने ‘आफ्नै घर नजिकै चितुवाले नानिलाई आक्रमण गरेको रहेछ ।’
मृतक चेपाङ्ग जनता आधारभुत विद्यालयमा कक्षा ५ मा अध्ययनरत थिइन् । गत जेठ महिनामा पनि बन्दीपुर क्षेत्रमा चितुवाले आतंक मच्चाएको थियो ।
यो पनि :
बन्दीपुरको बोडीस्वारामा दिउँसै चितुवाको आक्रमण: ५ वर्षीय बालकको मृत्यु