तनहुँ । आइतबार सम्पन्न उपचुनावअन्तर्गत तनहुँ १ मा गणना जारी छ ।
१८ हजार ६६१ मत गनिसक्दा राष्ट्रिय स्वतन्त्र पार्टीका उम्मेदवार डा. स्वर्णिम वाग्लेले मतान्तर बढाउँदै लगेका छन् ।
दोब्बरभन्दा बढी मतले अगाडि रहेका वाग्लेले १० हजार २५९ मत प्राप्त गरेका छन् ।
गठबन्धनबाट कांग्रेसका उम्मेदवार गोविन्द भट्टराईले ५ हजार ३ मत प्राप्त गरेका छन् । एमालेका सर्वेन्द्र खनाल २७९७ मत ल्याएर तेस्रोस्थानमा छन् ।
हालसम्म आँबुखैरेनी गाउँपालिकाको ६ वटै वडाको मतगणना सकिएको छ । भानु नगरपालिका र देवघाट गाँउपालिका गरी जम्मा १४वटा वडाको गणना सकिएको छ ।
तनहुँ क्षेत्र नं. १ को मतगणना आइतबार रातिदेखि सुरु भएको हो । सुरुदेखि नै वाग्लेले अग्रता लिइरहेका छन् ।