दमौली । मातातीर्थ औंसीको अवसरमा लियो क्लब अफ तनहुँले वेदव्यास जेष्ठ नागरिक आश्रममा खाद्यान्न सहयोग गरेको छ ।
क्लबले बुधबार आमाको मुख हेर्ने दिनको अवसरमा तनहुँको व्यास-५ चापाघाट स्थित वेदव्यास जेष्ठ नागरिक आश्रममा लत्ताकपडा, खाद्यान्न एव फलफूल वितरण गरेको क्लबका प्रथम उपाध्यक्ष एवं वर्ष २०२४/०२५ का निर्वाचित अध्यक्ष सागर घिमिरेले जानकारी दिए ।
सो कार्यक्रम व्यास नगरपालिका वडा नं. ५ का निवर्तमान अध्यक्ष मोहन कुमार श्रेष्ठको प्रमुख आतिथ्यतामा भएको थियो ।
उक्त कार्यक्रममा लायन्स क्लब अन्तर्राष्ट्रिय ३२५ एल नेपालका सिनियर एओजी एवं लायन्स क्लब अफ तनहुँका पुर्व अध्यक्ष श्रीभद्र खनाल, लायन्स क्लब अफ तनहुँ सत्यवतीका वर्ष २०२४/०२५ का निर्वाचित अध्यक्ष पबित्रा खनाल, आश्रम संचालक समितिका सकुन्तला आले, निर्मला मल्ल,सरु श्रेष्ठ लगाएतको उपस्थिति रहेको क्लबका सचिव मुकेश बिडारीले जानकारी दिए ।