तनहुँ । आइतबार सम्पन्न उपचुनावअन्तर्गत तनहुँ १ मा गणना जारी छ ।
२४ वटा वडाको ३५ हजार ३६ मतगणना सकिदा राष्ट्रिय स्वतन्त्र पार्टीका उम्मेदवार डा. स्वर्णिम वाग्लेले मतान्तर बढाउँदै लगेका छन् ।
गठबन्धनबाट कांग्रेसका उम्मेदवार गोविन्द भट्टराईले १० हजार २२८ मत प्राप्त गरेका छन् ।
एमालेका सर्वेन्द्र खनाल ५ हजार ८६७ मत ल्याएर तेस्रो स्थानमा छन् ।
हालसम्म आँबुखैरेनी र देवघाट गाउँपालिकाको मतगणना सकिएको छ । अहिले भानु नगरपालिका र बन्दिपुर गाँउपालिका को मतगणनाजारी रहेको मुख्य निर्वाचन अधिकृतको कार्यालयले जनाएको छ ।
तनहुँ क्षेत्र नं. १ को मतगणना आइतबार रातिदेखि सुरु भएको हो । सुरुदेखि नै वाग्लेले अग्रता लिइरहेका छन् ।