दमौली । तनहुँको शनिबार बिहानै बस दुर्घटना भएको छ । जिल्लाको व्यास नगरपालिका वडा नम्बर १२ कमलबारीमा बस दुर्घटना भएको प्रहरीले जनाएको छ ।
उक्त दुर्घटनामा परी ३० जना भन्दाबढी घाइते भएको जिल्ला प्रहरी कार्यालय तनहुँका प्रहरी नायव उपरिक्षक मोहन बहादुर खाणले जानकारी दिए ।
कटारीबाट पोखरा तर्फ जादै गरेको बस देउरालीमा दुर्घटना भएको हो ।
दुर्घटनामा परी घाइते भएका यात्रुलाई दमौली अस्पताल, रत्नहरी अस्पताल र डुम्रेको लक्ष्मी सिटि अस्पताल लगिएको प्रहरीले जनाएको छ ।
तस्बिर : प्रवेश ठकुरी