तनहुँ । गण्डकी प्रदेशको नीति तथा योजना आयोग उपाध्यक्षमा तनहुँका श्रीकान्त खतिवडा नियुक्त भएका छन् ।
एमाले निकट खतिवडालाई मुख्यमन्त्री खगराज अधिकारीले नियुक्त गरी पद तथा गोपनीयताको शपथ खुवाएका छन् । उनी गत चैत २७ गतेकै मन्त्रिपरिषद् निर्णयअनुसार नियुक्त भएका हुन् ।
तनहुँका खतिवडा वन विज्ञान अध्ययन संस्थानमा अध्यापन गर्छन् ।
मुख्यमन्त्री खगराजले सदस्यमा माओवादी कोटाबाट पुन: सुवास अधिकारीलाई नै नियुक्त गरेका छन् । सरकार फेरबदल हुँदा अधिकारी चौथोपटक सदस्य नियुक्त भएका हुन् ।
यसैगरी, मंगलबारको बैठकले प्रेस संयोजक नियुक्त गरेको छ । पत्रकार राजाराम पौडेललाई प्रेस संयोजक नियुक्त गरिएको हो ।