दमौली । पोखरामा रोकिराखेको बस चोरेर चितवन लग्दै गर्दा एक किशोर पक्राउ परेका छन् ।
शुक्रबार राति पोखरा महानगरको वडा–९ मा पार्किङमा राखिएको ग १ ख ९६३८ नम्बरको बस चोरी गरेका किशोरलाई प्रहरीले पक्राउ गरेका छ ।
शुक्रबार राति चितवनको भरतपुर नगरपालिका-११ आँपटारीबाट सो बससहित १७ वर्षीय किशोरलाई प्रहरीले नियन्त्रणमा लिएको जनाएको छ ।
तनहुँको म्याग्दे गाउँपालिका ३ बस्ने किशोरलाई आँपटारीमा चेकजाँचका क्रममा प्रहरीले नियन्त्रण लिएको प्रहरीले जनाएको छ ।
किशोरलाई नियन्त्रणमा लिई जिल्ला अदालत कास्कीबाट चोरी तथा डाँकासम्बन्धी मुद्दामा अनुसन्धानअघि बढाइएको प्रहरीले जनाएको छ । यसैगरी अर्का एक किशोर चौथो पटक स्कुटर चोरीमा पक्राउ परेका छन् ।
मङ्सिर १९ गते पोखरा–३, नदीपुरमा पार्किङमा राखिएको ग १४ प २०३४ नम्बरको स्कुटर र पोखरा–१, बगरबाट ग ८ प ९९३ नम्बरको स्कुटर चोरी आरोपमा प्रहरीले एक किशोरलाई पक्राउ गरेको जनाएको छ ।
जिल्ला प्रहरी कार्यालय कास्की र वडा प्रहरी कार्यालय बगरबाट खटिएको टोलीले बागलुङ स्थायी घर भई पोखरा–१६, दीप बस्ने १७ वर्षीय किशोरलाई स्कुटरसहित नियन्त्रणमा लिएको जनाएको छ ।