देवघाट । तनहुँको देवघाट गाउँपालिका वडा नं. ५ बेणीसंगम स्थित कालिगण्डकी नदी र त्रिशुलीनदीको संगम स्थलमा नुहाउने क्रममा एक विदेशी नागरिक बेपत्ता भएका छन ।
नेपाल भ्रमणको लागी आएका रुसी नागरिक पासपोर्ट नं. ७५९१७६६१८ भएको अन्दाजी २९ वर्षीय पिटर रुजिन बेपत्ता भएको इलाका प्रहरी कार्यालय देवघाटले जनाएको छ ।
सोही खोलामा नुहाउने क्रममा अचानक डुबी बेपत्ता भएका पिटरको खोजतलासको लागी ई.प्र.का. देवघाट तनहुँबाट प्रहरी टोली खटिई र फेला नपरेको प्रहरीले जनाएको छ ।
उनको खोजतलास कार्य भईरहेको र उक्त घटना सम्बन्धमा थप अनुसन्धान भईरहेको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिए ।