दमौली । ‘गोर्खे खुकुरी’ बोलको नयाँ गीत बुधबार युटुबमा सार्वजनिक गरिएको छ । सो गीतको भिडिओमा निर्देशन मोडल लोमश शर्माले गरेका छन् ।
गायिका शान्तिश्री परियार र गायक निश्चल दवाडीको स्वर रहेको गीतको भिडियो ‘लोमश शर्मा’ युट्युब च्यानलमार्फत भिडिओ सार्वजनिक गरिएको हो ।
गीतको शब्द/संगीत गायक निश्चल दवाडीको रहको छ भने श्यामस्वयत रसाइलीको एरेन्ज र मिक्स मास्टरिङ छ । मोडल शर्माको कथा एवं निर्देशनमा तयार भिडियोमा लोमश शर्मा, सरोज प्रजा, अभिषेक खड्का, अर्जुन न्यौपाने, विणा राउत, बिमला खाजुम लिम्बु, संचिता बोलाखे, स्मिता बस्नेतले अभिनय गरेका छन ।
भिडियोले सामाजिक कथा प्रस्तुत गरेको निर्देशक शर्मा बताउछन् । उनले स्रोता दर्शकबाट गीतलाई लिएर राम्रो प्रतिक्रिया मिलिरहेको समेत बताए । ‘गीतको भिडिओमा भ्युज पनि राम्रो गईरहेको छ’ गीतको प्रारम्भिक प्रतिक्रियाबारे उनले भने ‘रेस्पोन्स पनि सबैले राम्रो दिनुभएको छ ।’
बुद्ध थापाले छायाँकन गरेको भिडियोमा अतिथि कलाकारका रुपमा गायक सुरज लामिछानेको समेत अभिनय छ ।
यस्तै, भिडियोमा अमृत चापागाईले सम्पादन गरेका हुन् ।
हेर्नुस भिडिओ :