पोलियो दिवसमा दमौलीमा रोटरीको सचेतनामुलक र्‍याली (फोटो फिचर)

दमौली । अन्तराष्ट्रिय पोलियो दिवस (अक्टोबर २४) को अवसरमा रोटरी आरआई डिष्ट्रिक ३२९२ नेपाल–भुटानको रोटरी क्लब अफ दमौलीले तनहुँको दमौलीमा सचेतनामुलक र्‍याली गरेको छ ।

‘पोलियो अब अन्त्य गर’ ब्यानरसहित दमौलीको अनसन चौतारीबाट शुरु भएको र्‍याली बजार परिक्रमा गरी अनसन चौतारीमा पुगेर कोण सभा गरिएको थियो ।

समापन कार्यक्रममा प्रमुख अतिथि प्रमुख जिल्ला अधिकारी जनार्दन गौतमले रोटरीको पहिचानलाई कायम राखे गरि विश्वभर नै सामाजिक कार्यमा रोटरीयनहरुको योगदान महत्वपूर्ण रहेको बताए ।

कार्यक्रममा रोटरी दमौलीकी आगामी वर्षकी अध्यक्ष विणा कैनीले रोटरीले सुरु गरेको अभियान निरन्तर जारी रहने बताइन् । नेपालमा सन २०१४ मे ७ मा पोलियो फ्रि घोषणा भएको उनले बताईन ।

कार्यक्रममा रोटरी क्लब अफ दमौलीका अध्यक्ष जीवन कुमार श्रेष्ठले पोलियो उन्मुलनमा रोटरी ईन्टरनेश्नलको योगदानबाट मिलेको सफलताबारे जानकारी दिए । उनले शिक्षा, स्वस्थ्य, खानेपानी, वातावरण र सरसफाईको क्षेत्रमा समुदायस्तरमा रोटरी क्लबबाट निरन्तर कार्यक्रमहरु हुने उनले बताए ।

कार्यक्रममा रोटर्‍याक्ट क्लब अफ दमौली, इनरव्हील क्लब अफ दमौली र दमौलीक इन्टर्‍याक्ट क्लबहरुको समेत सहभागीता रहेको थियो ।

रोटरी हाल २०८ देशमा १२ लाख सदस्यहरु आवद्ध रहेको सामाजिक संस्था समेत रहेको छ ।