तनहुँ । पृथ्वीराजमार्ग अन्तरगत तनहुँको आँबुखैरेनी-मुग्लिन खण्डको एकतर्फी सडक सूचरु भएको छ ।
दिउँसो साढे १ बजेबाट एकतर्फी सडक सुचारु भएको प्रहरीले जनाएको छ । सडकको कुना तर्फ भित्ता काटेर साना सवारी पास गराइएको छ ।
जिल्लाको आँबुखैरेनी गाउँपालिका–४ साखर नजिक सडक भासिदा आज बिहान देखि दुईतर्फी सवारी आवगमनमा अवरुद्ध भएको थियो ।
सडक भासिएको ठाँउबाट कार र माेटरसाईकल मर्स्याङ्दी नदिमा बा १० च ४६४९ नम्बरको कार र मोटरसाइकल खसेको थियो ।
मर्स्याङ्दी नदी किनारमा शव भेटिएका दुई पुरुषमध्ये एकजनाकाे सनाखत भएकाे छ ।
मृतकमध्ये एकजना गोरखाको सिरानचोक गाउँपालिकास्थित छोप्राकका केशव घिमिरे रहेको प्रहरीले जनाएको छ ।
मोटरसाइकलमा सवार पुरूष भने सवारी फालेर ज्यान जोगाएका थिए । कारमा कति जना सवार थिए भन्ने अझै पत्ता भने नलागेको उनले बताए ।
गए रातिदेखि परेको अविरल वर्षाका कारण सडकको तलको भाग कटान गर्दा सडक भाँसिएर जोखिम र राजमार्ग अवरुद्ध बनेको थियोे । भिडिओ : विजय गुरुङ